بعض قصائد ام كلثوم...!!!
--------------------------------------------------------------------------------
اولا قصيدة سيرة الحب
طول عمرى بخاف من الحب ...
وسيرة الحب...
وظلم الحب لكل أصحابه
واعرف حكايات مليانه آهات
ودموع وأنين ...
والعاشقين دابوا ما تابوا
طول عمرى باقول لا أنا قد الشوق...
وليالى الشوق
ولا قلبى قد عذابه
وقابلتك انت لقيتك بتغير كل حياتى
ما أعرفش ازاى حبيتك ما أعرفش إزاى ياحياتى
من همسة حب لقيتنى باحب ... وادوب فى الحب وصبح ...وليل على بابه
فات من عمرى سنين وسنين ... شفت كتير و قليل عاشقين
اللى بيشكى حاله لحاله .... واللى بيبكى على مواله
أهل الحب صحيح مساكين
ياما الحب نده على قلبى ....ما ردش قلبى جواب
ياما الشوق حاول يحايلنى
واقول له روح يا عذاب
ياما عيون شاغلونى
لكن ولا شغلونى
إلا عيونك انت
دول بس اللى خدوني
وبحبك أمرونى
أمرونى احب لقيتنى باحب
وأدوب فى الحب
وصبح وليل على بابه
ياللى ظلمتوا الحب وقلتوا وعدتوا عليه قلتوا عليه مش عارف إيه
العيب فيكم يا فى حبايبكم أما الحب ياروحى عليه
فى الدنيا ما فيش أبدا أبدا أحلى من الحب
نتعب نغلب نشتكى منه لكن بنحب
ياسلام ع القلب وتنهيده فى وصال وفراق
وشموع الشوق لما يقيدوا ليل المشتاق
يا سلام عالدنيا وحلاوتها فى عين العشاق
أنا خدنى الحب لقيتنى باحب ... وادوب فى الحب ... وصبح وليل على بابه
ياللى مليت بالحب حياتى ... أهدى حياتى إليك
روحى..قلبى..عقلى..حبى ... كلّى ملك ايديك
صوتك..نظراتك..همساتك .... شىء مش معقول
شىء خللى الدنيا زهور على طول .... وشموع على طول
الله ياحبيبى على حبك وهنايا معاك ... الله يا حبيبى يا حبيبى الله الله
ولا دمعة عين جرحت قلبى .. ولا قولة آه
ما بقولش فى حبك غير الله ..... الله يا حبيبى على حبك الله الله
من كتر الحب لقيتنى باحب .. وأدوب فى الحب ... وصبح وليل على بابه......تمت
ثانيا قصيدة انت عمرى
رجعوني عنيك لأيامي اللي راحوا علموني أندم على الماضي وجراحه
اللي شفته قبل ما تشوفك عنيه عمر ضايع يحسبوه ازاي علي
********************************
انت عمري اللي ابتدي بنورك صباحه
********************************
قد ايه من عمري قبلك راح ياحبيبي قد ايه من عمري راح
ولا شاف القلب قبلك فرحه واحده ولا داق فى الدنيا غير طعم الجراح
ابتديت دلوقت بس احب عمري ابتديت دلوقت اخاف لا العمر يجري
كل فرحه اشتاقها من قبلك خيالي التقاها فى نور عينك قبلى وفكري
ياحياة قلبي يا اغلى من حياتي ليه ما قابلتش هواك ياحبيبي بدري
اللي شفته قبل ما تشوفك عنيه عنر ضايع يحسبوه ازاي علي
********************************
انت عمري اللي ابتدي بنورك صباحه
********************************
الليالي الحلوه والشوق والمحبه من زمان والقلب شايلهم عشانك
دوق معايا الحب دوق حبه بحبه من حنان قلبي اللي طال شوقه لحنانك
هات عنيك تسرح فى دنيتهم عنيه هات ايديك ترتاح للمستهم ايديه
ياحبيبي تعالى وكفايه اللي فاتنا هو اللي فاتنا ياحبيب الروح شويه
اللي شفته قبل ما تشوفك عنيه عمر ضايع يحسبوه ازاي علي
********************************
انت عمري اللي ابتدى بنورك صباحه
********************************
يا أغلي من ايامي يا أحلى من احلامي
خذني لحنانك خذني عن الوجود وابعدني
بعيد بعيد أنا وانت بعيد بعيد واحدينا
ع الحب تصحى ايامنا ع الشوق تنام ليالينا
صالحت بيك ايامي سامحت بيك الزمن
نستني بيك الامي ونسيت معاك الشجن
رجعوني عنيك لايامي اللي راحوا علموني اندم على الماضي وجراحه
اللي شفته قبل ماتشوفك عنيه عمر ضايع يحسبوه ازاي علي انت عمرى........... تمت
********************************
ثالثا بعيد عنك ..........
نسيت النوم واحلامه
نسيت ليالي وايامو
بعيد عنـــــــــــك
حياتي عذاب
ماتبعدنيش بعيد عنك
ماليش غير الدموع احباب
ومعاها بعيش بعيد عنك
غلبني الشوق..وغلبني غلبني ااااااه غلبني وليل البعد
دوبني دوبني اااااه دوبني ومهما البعد حيرني
ومهما السهد سهرني لا طول بعدك يغيرني
ولا الايام بتبعدنــــــــــــــي بعيـــــــــــــــد
بعيد عنــــــــــــك
لا نوم ولا دمع في عينياااا ما خلاش الفراق فيا
نسيت النوم واحلامه نسيت لياليه وايامه
وبين الليل وآلامه وبين الخوف واوهـــــــــامه
بخاف عليك….وبخاف تنسااااااني
والشوق اليك على طول صحانـــــي صحاني صحـــــــــاني
غلبني الشوق……وغلبني
افتكرنــــــــــــــــــــي لحظة حلوة عشنا فيهـــــــــــا للهوى ااااااااااااااه
وافتكرلــــــــــي مرة غنوة يوم سمعناهــــا سوى ااااااااه ااااااااااه
خد من عمري عمري كلـــــــــــو الا ثواني اشوفك فيها
خد من عمري عمري كلـــو الا ثوانـــــي اشوفك فيها
الشــــــــــــــــــــــــــــــــــوق ااااااااااااااااااااه من الشوق
ااااااااااااااه من الشوق اااااااااااااه وعمايلو
يامـــــــا ياما اداريها ياما ياما
ياما احكيها ياما ياااااما
بخاف عليك…….. وبخاف تنساني
والشوق اليك على طول صحاني صحاني صحاني
غلبني الشوف…وغلبني
كنت بشتقللك وانا وانت هنا
بيني وبينك…خطوتيـــــــــــــــــن خطوتين خـــــــطوتين
شوف بقينا ازاي انا فين ياحبيبي………وانت فيــــــــــــن انت فين وانــــــــت فين
والعمـــــــــــــل؟؟؟؟؟؟؟ايه العمل؟؟؟ ماتقلي اعمــــــــــل ايه؟؟؟؟؟
والامــــــــــــل انت الامل…….تحرمني منــــــــك ليــــــــــــه
عيون كانت بتحسدني على حبي
ودلوقت بتبكي علي من غلبي
وفين انت يــــــــــانور عيني ياروووح قلبي فيـــــــــــــــــن
فين اشكيللك فيـــن عندي كلام وحاجات
فيــن دمعك ياعيـــن بريحني بكايا ساعات
غلبني الشوق..وغلبني
اااااه غلبني اااااه ااااه غلبني وليل البعد
دوبني اااااااه دوبني اااه اااه دوبني ومهما البعد حيرني ومهما السهد سهرني
لاطول بعدك يغيرني….ولا الايام بتبعــــــــدني بعـــــــــــيد
بعيد عنـــــــــــــــــــــــك........................ .تمت
رابعا حيرت قلبى معاك...........
حيرت قلبي معاك وانا بداري واخبي
قولي اعمل إيه وياك ولا أعمل إيه ويا قلبي
بدي أشكيلك من نار حبي بدي أحكيلك علّي في قلبي
وأقولك عالّي سهرني وأقول لك عالّي بكاني
وأصورلك ضنى روحي وعزة نفسي منعاني
يا قاسي بص في عينيّ وشوف إيه انكتب فيها
دي نظرة شوق وحنيه ودي دمعة بداريها
وده خيال بين الأجفان فضل معاي الليل كله
سهرني بين فكري وأشجاني وفات لي جوه العين ظله
وبين شوقي وحرماني وحيرتي ويا كتماني
بدي أشكيلك من نار حبي
بدي أحكيلك علّي في قلبي
وأقولك عالّي سهرني وأقولك عالّي بكاني
واصورلك ضنى روحي وعزة نفسي منعاني
يا ما ليالي.. أنا وخيالي، أفضل أصبر روحي بكلمة يوم قلتهالي
وبات أفكر... فالّي جرى لك.. واللي جرى لي
وأقول ما شافش الحيرة عليّ لما بسلم
ولا شافش يوم الشوق في عيني راح يتكلم
وارجع اسامحك ثاني واحن لك وألقاني
بدي أشكيلك من نار حبي
بدي أحكيلك عالّي في قلبي
وأقولك عالّي سهرني وأقولك عالي بكاني
وأصورلك ضنى روحي وعزة نفسي منعاني
خاصمتك بيني وبين روحي وصالحتك وخاصمتك تاني
وأقول ابعد يصعب علي روحي تطاوعني ليزيد حرماني
حافضل احبك من غير ما أقولك إيه الّي حير أفكاري
لحد قلبك ما يوم يدلك على هوايا المتداري
ولما يرحمني قلبك ويبان لعيني هواك
وتنادي عالي انشغل بك وروحي تسمع نداك
أرضى أشكيلك من نار حبي
وابقى أحكيلك علّي في قلبي
وأقولك عالي سهرني وأقولك عالّي بكاني
وأقول يا قلبي ليه تخبي وليه يا نفسي منعاني .....................تمت
خامسا الف ليله وليـــــــــــله
يا حبيبي .. الليل وسماه .. ونجومه وقمره وسهره
وإنت وأنا .. يا حبيبي أنا .. يا حياتي أنا
كلنا في الحب سوا .. والهوى .. آه منه الهوى
سهران الهوى .. يسقينا الهنا .. ويقول بالهنا
يا حبيبي .. يالله نعيش في عيون الليل
ونقول للشمس تعالي بعد سنة .. مش قبل سنة
دي ليلة حب حلوه بألف ليلة وليلة
بكل العمر .. هو العمر إيه غير ليلة زي الليلة
******** ******** ********
إزاي أوصف لك يا حبيبي إزاي .. قبل ما أحبك كنت إزاي
كنت ولا امبارح فاكراه .. ولا عندي بكره أستناه
ولا حتى يومي عايشاه
خدتني بالحب في غمضة عين .. وريتني حلاوة الأيام فين
الليل بعد ما كان غربة مليته أمان
والعمر اللي كان صحرا صبح بستان
يا حبيبي .. يالله نعيش في عيون الليل
ونقول للشمس تعالي بعد سنة .. مش قبل سنة
دي ليلة حب حلوه بألف ليلة وليلة
بكل العمر .. هو العمر إيه غير ليلة زي الليلة
******** ******** ********
يا حبيبي إيه اجمل م الليل واتنين زينا عاشقين
تايهين ما احناش حاسين العمر ثواني والا سنين
حاسين اننا بنحب وبس
عايشين لليل والحب وبس
يا حبيبي الحب حياتنا وبيتنا وقوتنا
للناس دنيتهم واحنا لنا دنيتنا
وإن قالوا عن عشاقه بيدوبوا في نار أشواقه
أهي ناره دي جنتنا
الحب عمره ما جرح .. ولا عمر بستانه طرح
غير الهنا وغير الفرح
يا حبيبي يالله نعيش في عيون الليل
ونقول للشمس تعالي بعد سنة .. مش قبل سنة
دي ليلة حب حلوه بألف ليلة وليلة
بكل العمر .. هو العمر إيه غير ليلة زي الليلة
******** ******** ********
يا قمر ليلي .. يا ظل نهاري .. يا حبي .. يا أيامي الهنية
عندي لك أجمل هدية
كلمة الحب اللي بيها .. تملك الدنيا وما فيها
واللي تفتح لك كنوز الدنيا ديه .. قولها ليه
قولها للطير .. للشجر .. للناس .. لكل الدنيا .. قول
الحب نعمة .. مش خطية
الله محبة .. الخير محبة .. النور محبة
يا رب تفضل حلاوة سلام أول لقا في ايدينا
وفرح أول ميعاد منقاد شموع حوالينا
ويفوت علينا الزمان يفرش أمانه علينا
يا رب
لا عمر كاس الفراق المر يسقينا
ولا يعرف الحب مطرحنا ولا يجينا
وغير شموع الفرح ما تشوف ليالينا
يا حبيبي يالله نعيش في عيون الليل
ونقول للشمس تعالي بعد سنة .. مش قبل سنة
دي ليلة حب حلوه بألف ليلة وليلة
بكل العمر .. هو العمر إيه غير ليلة زي الليلة
_________
ارجو ان تنال اعجابكم
موضوع: بعض قصائد ام كلثوم..... 
الأحد مايو 17, 2009 7:43 pm
